Пилот атаҕын тоһутан Нерюнгрига көтөр рейс көһөрүллүбүт

Алтанньы 28 күнүгэр «Новосибирск-Нерюнгри» хайысханан көтүөхтээх «Якутия» авиахампаанньа сөмөлүөтүн хамаандыыра, «Толмачево» аэроподугар атаҕын тоһуппут. Рейс тардыллыбыт.

Экипаж хамандыыра сөмөлүөт тохтобулугар халтарыйан охтубут диэн бэлиэтэнэр. Быраастар пилот сототун суон утаҕын тоһуппут диэн быһаарбыттар. «КП-Новосибирск» иһитиннэрэринэн пилот балыыһаҕа киирбит.

«Рейс Новосибирскай куоратыгар быысыһар тохтобулга түспүт. Экипаж хамандыыра аэропорт тыраабынан түһэн иһэн охтубут. Ылбыт эчэйиититтэн сылтаан көтүүнү салгыыр кыаҕа суох буолбут», — диэн Саха сирин тырааныспарка борокуруора Юрий Ким кэпсээтэ.

«Биһиги быһаарыы биэрбэппит. Дьон сылдьар платформалара уонна көтөр-тахсар балаһа туһаныы эрэһиимигэр сылдьыбыт», — диэн «Толмачево» аэропордун пресс-сулууспата иһитиннэрдэ. Летчик дьон сылдьар платформатыгар охтубут диэн бэлиэтээтэ.

Сөмөлүөт «Новосибирск-Нерюнгри» хайысханан көһөрүллэн көппүт. «Якутия» авиахампаанньа бэрэстэбиитэллэрэ быһаарыы биэрбэтилэр.