Ньурбаҕа бастакы өрөспүүбүлүкэтээҕи хапсаҕай турнира буолан ааста

АЛРОСА хампаанньа Ньурба улууһун Октябрьскай сэлиэнньэтигэр бастакы өрөспүүбүлүкэтээҕи хапсаҕай турнирын ыытта. Араас улуустан 40 спортсмен кыттыыны ылла.

Саха сирин биэс улууһуттан аҕыс хамаанда кэлэн АЛРОСА хампаанньа Кубогын туһугар кииристэ. Турнир бирииһин пуондата 700 тыһыынча солкуобай. Күрэхтэһии саҥа спортивнай комплекска буолла.

Икки күннээх күрэхтэһии түмүгүнэн бастакы миэстэни олохтоох Ньурба хамаандата ылла. АЛРОСА Кубогын абсолютнай чөмпүйүөнүн аатын Ньурбаттан төрүттээх Владимир Федоров ылла.

2020 сыл саҕаланыыта 2 мөлүйүөн солкуобай бириис пуондалаах Мииринэй куоракка хапсаҕай чемпионаата буолуо.