Ньурба тыйаатыра саҥа микроавтобус массыынаны тутта

Ньурба тыйаатыра саҥа 16 миэстэлээх микроавтобус массыынаны тутта. Бу туһунан тэрилтэ пресс-сулууспата иһитиннэрэр.

«Бу гастроллуур ыырбытын кэҥэтэрбитигэр олус үчүгэй көҕүлүүр күүс уонна кыра куораттар култуурнай сайдыыларыгар сүдү улахан кылаат буолар», — диэн Ньурбатааҕы тыйаатыр дириэктэрэ уонна художественнай салайааччыта Юрий Макаров санаатын үллэһиннэ.

Саҥа тиэхиникэ «Кыра куораттар тыйаатырдара» федеральнай бырайыак чэрчитинэн ылыллыбыта бэлиэтэнэр.