Оҕо төрөөтөҕүнэ, эбэтэр иитэ ыларга алта социальнай миэрэ оҥоһуллар

Оҕо төрөөтөҕүнэ, эбэтэр оҕону иитэ ыларга өрөспүүбүлүкэ дьиэ кэргэттэрэ алта социальнай көмөнөн туһаныахтарын сөп. Бу туһунан СӨ үлэҕэ уонна социальнай сайдыыга министиэристибэтин пресс-сулууспата иһитиннэрэр.

Дьиэ кэргэн үнүстүтүүтүн өйөбүлэ РФ бэрэсэдьиэнэ Владимир Путин көҕүлээбит «Демография» национальнай бырайыагын ннөҥүө олоххо киирэр.

«Оҕолоох дьиэ кэргэн пандемияны кытта сибээстээх төлөбүрү таһынан, «Финансовая поддержка семей при рождении детей» регионнеааҕы бырайыак чэрчитинэн социальнай көмө ылыахтарын сөп», — диэн иһитиннэриигэ этиллэр.

Бастакы оҕо төрөөтөҕүнэ, эбэтэр оҕону иитэ ылар түгэҥҥэ 35 320 солкуобай кээмэйдээх биир кэмнээх материальнай өҥө уонна 17 660 солкуобай кээмэйдээх ыйдааҕы төлөбүр көрүллэр.

Икки оҕолоох төрөппүттэр регионнааҕы, федеральнай хапытаал 30 % тэҥ, Ийэ хапытаалын ылахтарын сөп. Иккис оҕо 2020 сыл тохсунньу 1 күнүн кэнниттэн төрөөбүт буоллаҕына 184 985 солкуобай кээмэйдээх өрөспүүбүлүкэтээҕи Ийэ хапытаала көрүллэр.

Үһүс уонна онтон үөһэ оҕо төрөөтөҕүнэ 17 660 солкуобай кээмэйдээх ыйдааҕы төлөбүр көрүллэр.

«Судаарыстыба көмөтө оҕо төрөөтөҕүнэ эрэ оҥоһуллар буолбатах. Өрөспүүбүлүкэҕэ оҕо төрөөһүнүн өйүүр хайысхалаах демографическай миэрэлэр олоххо киирэллэр», — диэн министиэристибэ пресс-сулууспата суруйар.

Уһук Илин олорор дьиэ кэргэн 2019 сыл тохсунньу 1 күнүттэн иккис оҕоломмут, эбэтэр иккис оҕону уонна онтон үөһэ иитэ ылбыт буоллаҕына, 2022 сыл түмүктэниэр диэри 5 %-наах ипотека кирэдьиитин ылар бырааптаах.

2019 сыл тохсунньу 1 күнүн кэнниттэн үһүс уонна онтон үөһэ оҕо төрөөтөҕүнэ, дьиэ кэргэн ипотекатын барытын, эбэтэр 450 тыһыынча солкуобай кээмэйдээх ипотека сорҕотун төлүөн сөп.

2019 сыл ахсынньы ыйыттан сылга 2 %-наах «Уһук Илиҥҥи ипотека» бырагыраама үлэлиир. Ипотека эдэр ыалга, сокуоннай сааһын ситэ илик о5олоох төрөппүккэ, ону тэҥэ уһук илиҥҥи гектардаах киһиэхэ көрүллэр. Бырагырааманан 2024 сыл ахсынньы 31 күнүгэр диэри туһаныахха сөп.