Олоҥхо тыйаатыра аһаҕас халлаан анныгар испиктээкил көрдөрүөҕэ

Олоҥхо тыйаатыра саҥа сезонун аһаҕас халлаан анныгар испиктээкилтэн балаҕан ыйын 18 күнүгэр саҕалыаҕа. Испиктээкил А.Е. Кулаковскай аатынан норуоттар доҕордоһууларын дьиэтин аттыгар баар сквергэ буолуоҕа.

Тыйаатыр билигин репертуарнайдык үлэлиэҕэ — нэдиэлэ аайы испиктээкиллэри туруоруохтара. Тэрилтэ Эпос Арктическай киинигэр киириэхтээх этэ. Киин тутуллуор диэри тыйаатыр Норуоттар доҕордоһууларын дьиэтигэр үлэлиэҕэ.

Тыйаатыр толорооччу-дириэктэрэ Мария Турантаева этэринэн, быйыл үс саҥа испиктээкили («Улуу Даарын», «Сылгы Уола Дыырай бухатыыр» уонна «Өрүс бэлэхтэрэ») былаанныыллар, ону таһынан былырыыҥҥылары көрдөрүөхтэрэ — «Кыыс Дэбилийэ», «Кулан Кыыртай».