Олунньу 1 күнүттэн Дьокуускай оскуолаларыгар очнай үөрэх саҕаланна

Олунньу 1 күнүттэн өрөспүүбүлүкэ киин куоратын оскуолаларын 1-11 кылаастарын үөрэнээччилэригэр очнай быһыылаах үөрэх саҕаланна.

Күнү-дьылы кэтээн көрөр сулууспа бэлиэтииринэн Дьокуускайга сарсыарда 06.00 чааска салгын температурата -40 кыраадыска тэҥнэстэ, тыала суох. Онон сибээстээн актированнай күн биллэриллибэтэ.

Санатар буоллахха, 1-8 кылаас үөрэнээччилэрэ тохсунньу 13 күнүттэн тымныыларынан сибээстээн дистанционнай үөрэххэ көспүттэрэ, 9-11 кылаастар — тохсунньу 19 күнүттэн.