Олунньу 8 күнүгэр Саха сиригэр Наука уонна технология сылын аһыллыыта былааннанар

2021 сылга дойду бэрэсидьиэнэ Владимир Путин биллэрбит Наука уонна технология сылын аһыллыытыгар өрөспүүбүлүкэ бэлэмнэнэр. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Өрөспүүбүлүкэ премьерэ Андрей Тарасенко тохсунньу 13 күнүнээҕи мунньахха, Саха сирин научнай кыаҕын көрдөрөр, сыл бигэргэммит тиэмэтигэр тэрээһиннэр былааннарын бэлэмнииргэ соруйда.

Наука уонна технология сылын аһыллыыта, быһа холоон, Россия наукатын бэлиэтэнэр күнүгэр, олунньу аҕыһыгар былааннанар.

Өрөспүүбүлүкэ бырабыыталыстыбатын бэрэссэдээтэлэ Наука уонна технология сылын былаанын кытта Ил Дархан Айсен Николаев бигэргэппит, 2020-2024 сылларга Саха сиригэр научнай-технологическай сайдыы судаарыстыбаннай бырагырааматын кытта ситимнииргэ соруйда.

Бу бырагыраама чэрчитинэн, криолитозона усулуобуйатыгар айылҕаны табыгастаахтык туттууну наука өттүттэн арыаллааһыны күүһүрдүү, Аан дойдутааҕы мамонт киинин тэрийии, эдэр учуонайдары өйөөһүн, «Хоту» Субарктика уонна Арктика сайдыытын научнай-үөрэтэр киинин сайыннарыы былааннанар.