Орто анал үөрэҕи бүтэрбит уонна эбии тургутууну ааһыахтаах дьонтон дөкүмүөнү ХИФУ-га от ыйын 10 диэри туталлар

НВК САХА – Хотугулуу-Илиҥҥи федеральнай үнүбэрситиэккэ орто анал үөрэҕи бүтэрбит уонна эбии тургутууну ааһыахтаах дьонтон дөкүмүөнү тутуу от ыйын 10 күнүгэр түмүктэнэр.

ХИФУ Киин тутар хамыыһыйата иһитиннэрбитинэн, быйыл бүддьүөт миэстэтигэр бастакы кууруска бакалавриат уонна специалитет күнүскү бырагырааматыгар 2062 миэстэҕэ, кэтэхтэн үөрэххэ 326 миэстэҕэ ылыахтара.

Оттон төлөбүрдээх үөрэххэ чэпчэтии араас тиһигэ туһаныллар.

Стипендияны бүддьүөт суотугар үөрэнэр устудьуоннар ылаллар. Үрдээбит стипендия үөрэххэ, наукаҕа, успуорка, айар, уопсастыбаннай үлэҕэ ситиһии иһин ананар. Чэпчэтиинэн туһанар араҥаҕа киирэр устудьуоннар судаарыстыбаннай социальнай стипендияны уонна да атын төлөбүрү ылаллар.