«Орто Дойду» зоопарка хагдаҥ эһэлэрэ арҕахтарыттан таҕыстылар

«Орто Дойду» зоопарка Маша уонна Пуги диэн ааттаах хагдаҥ эһэлэрэ арҕахтарыттан таҕыстылар.

«Эһэлэр аҕыйах күннээҕитэ уһуктубуттара. Туруктара үчүгэй, кыралаан аһаан саҕалаатылар, сотору толору рационнарыгар киириэхтэрэ», — диэн зоопарка научнай-сырдатар салаатын сэбиэдиссэйэ Наталья Сафронова кэпсээтэ.

Кыыллар арҕахтарыгар ахсынньы саҥата киирбиттэрэ бэлиэтэнэр.

Инники этиллибитинэн, Хаҥалас улууһугар баар «Орто Дойду» зоопарка олохтоммут эпидемиологичесэй усулуобуйанан сибээстээн кулун тутар 19 күнүттэн көрөөччүлэргэ сабыллыбыта.