«Орто Дойду» зоопарка үлэтин саҕалаата

«Орто Дойду» зоопарка атырдьах ыйын 1 күнүттэн үлэтин сөргүттэ.

«Өрөспүүбүлүкэ Ил Дарханын 2020 сыл от ыйын 31 күнүнээҕи ыйааҕар олоҕуран, зоопарка атырдьах ыйын 1 күнүттэн көрөөччүлэргэ аанын тэлэччи аһар», – диэн зоопарка Instagram аккаунугар суруйда.

«Орто Дойду» ыалдьыттара социальнай арыты тутуһаллара (биир киһиэхэ түөрт кыбадыраатынай миэтэрэ) уонна мааскалаах сылдьалара ирдэнэр.

Зоопарка иһигэр анал сурааһыннар тардыллыбыттара уонна илиини дезинфекциялыыр санитайзердар туруоруллубуттара этиллэр.