Орто Дойду зоопаркатыгар үрүҥ эһэлэр Колымааналаах Ломоносов оҕолорун көрдөрүөхтэрэ

2020 сыл муус устар ыйыгар үрүҥ эһэлэр Колымааналаах Ломоносов оҕолорун өрөспүүбүлүкэ олохтоохторугар көрдөрүөхтэрэ.

«Муус устар ыйыгар көрдөрүөхпүт, туочунай бириэмэтин эрдэ биллэриэхпит», — диэн зоопарка дириэктэрэ Лука Сафонов эттэ.

Эһэ оҕото атыыра-тыһыта биллэ илигин бэлиэтээтэ.

Санатан эттэххэ, саҥа төрөөбүт эһэ оҕотун бастакытын видео нөҥүө 2019 сыл ахсынньы 26 күнүгэр көрдөрбүттэрэ. Колымаана бастакы оҕотун 2017 сыл сэтинньи 30 күнүгэр төрөөбүтэ. Эһэчээни Хаарчаана диэн ааттаабыттара уонна ахсынньы 1 күнүгэр Санк-Петербург зоопаркатыгар ыыппыттара.