Орто Халымаҕа бөртөлүөт аварийнай түһүүтүнэн силиэстийэ саҕаланна

Судаарыстыбалар икки ардыларынааҕы авиационнай кэмитиэттэрэ Орто Халыма улууһугар бөртөлүөт аварийнай түһүүнү оҥоруутун бэрэбиэркэлиир хамыыһыйаны тэрийдэ. Бу туһунан кэмитиэт сайтыгар суруйда.

«Баар иһитиннэриинэн, хапытаан уонна биэс пассажир эмсэҕэлээбэтэхтэр, бөртөлүөт урусхалламмыт», — диэн этиллэр.

Санатар буоллахха, алтынньы 4 күнүгэр Орто Халыматтан 60 килэмиэтир тэйиччи Ми-2 чааһынай бөртөлүөт аварийнай түһүүнү оҥорбута.