Орто Халымаҕа дизтопливо тохтуутун содулун туораталлар

Орто Халыма улууһун Арҕахтаах сэлиэнньэтигэр 3,5 тонна оттук тохтууттун содулун туоратыыга быыстыыр боннар, сорбеннар уонна носуостар туһаныллалларын туһунан СӨ экологияҕа министиэристибэтин пресс-сулууспата иһитиннэрэр.

Билиҥҥи туругунан «Сахаэнерго» хампаанньа хаалбыт оттугу атын киэлилэргэ хачайдаан ылла.

Бүгүн, бэс ыйын 22 күнүгэр экология министиэристибэтин бэрэстэбиитэллэрэ үлэ бөлөҕүн уонна ыксаллаах быһыы-майгы министиэристибэтин исписэлиистэрин кытта саахал содулун туоратыыга уонна административнай быһаарыылары ылыыга көтүөхтэрэ.

Өрөспүүбүлүкэтээҕи борокуратуура Арҕахтаах электростанциятын резервуарыттан дизельнэй оттук тохтуутун чахчытынан бэрэбиэркэ ыытыыны саҕалаата.