Орто Халымаҕа искусство оскуолатыгар 4,2 мөл солк инструмент атыыластылар

Уопсайа 4,2 мөлүйүөн солкуобайга Орто Халыматааҕы искусство оскуолатыгар Владимир Путин көҕүлээбит «Култуура» национальнай бырайыак чэрчитинэн араас инстуменнары атыыластылар.

3,8 мөлүйүөн солкуобайы федеральнай бүддьүөттэн ыыттылар. Бу оскуолаҕа барыта холбоон 187 оҕо үҥкүүгэ, норуот тылынан уус-уран айымньытыгар, художественнай искусствоҕа үөрэнэр. Саҥа дьиэ 752 квадратнай миэтэрэ иэннээх, үлэҕэ быйыл олунньуга киирбитэ.

«Моя Якутия в XXI веке» үтүө дьыала хамсааһынын бырагырааматынан тутуллубута. Ил Дархан бүгүн оробуочай сырыытын чэрчитинэн оскуолаҕа ыалдьыттаата.