Орто Халымаҕа ойуур баһаара нэһилиэнньэлээх пууҥҥа чугаһаата

762 гектар иэннээх ойуур баһаара Орто Халыма улууһун Өлөөкө Күөл нэһилиэгиттэн биир килэмиэтирдээх сиргэ чугаһаата. Бу туһунан нэһилиэнньэ олоҕо куттала суох буолуутун хааччыйар өрөспүүбүлүкэтээҕи судаарыстыбаннай кэмитиэт пресс-сулууспата иһитиннэрэр.

Билигир үс уот көрдүгэнэ баара этиллэр. Арҕаа уонна хоту өттүгэр сир аннынааҕы липпэ умайыыта баара билиннэ. Баһаары утары охсуһууга 10 киһи кыттыыны ылар. Уот саҥаттан күөдьүйүүтүн сэрэтэр сыалтан төгүрүк күннээх кэтээн көрүү олохтонно.

«Хоту өттүгэр ойуур баһаара Булгунньахтаах Сиэнэ үрэхтэн биир килэмиэтирдээх сиргэ баар. Уот айылҕа мэһэйин туораабата. Куттал суоһаабат», — диэн этиллэр.

Билиҥҥи кэмҥэ сир аннынааҕы липпэ умайыытын тохтотор үлэ ыытыллар. Манна 20 киһи кыттыыны ыла сылдьар. Ойуур баһаара баар сиринэн балаһыанньа бигэтэ, ол да буоллар куттал суоһуур кыаҕа өссө да баара бэлиэтэнэр.