Орто Халыма Сыбаатайын тыа баһаарын буруота бүрүйдэ

Сыбаатай бөһүөлэгэр тыа баһаарын буруота киирэн, 50 миэтэрэттэн ыраах сир көстүбэт буолла.

Атырдьах ыйын 2 күнүгэр киэһээ 21:00 чааска 100 миэтэрэ ыраах сир көстүбэт буолбутун туһунан иһитиннэрии киирдэ.

Нэһилиэктэн биэс килэмиэтир тэйиччи турар Иичээн — Хампа уонна үс килэмиэтирдээх — Бөкчөҕөр — Көтөх Сордоҥноох сирдэргэ уоту утары умайыы иккис күнүн салҕанар. Оннугар 14 киһилээх биригээдэ үлэлиир.

Нэһилиэк арҕаа өттүгэр 1,4 килэмиэтир ыраах сытар Эргэ Саһыл — Дүөдэ Алыыта диэн сиргэ 14:30 чааска уот минерализованнай балаһаны уҥуор барбытын туһунан иһитиннэрии киирдэ. Миэстэтигэр 34 киһи тиэрдилиннэ, ДТ-75 тыраахтар уонна мотопомпа ыыттылар. Бүгүн Хаһыыны кэтирэтии үлэтэ ыытыллар. Баһаар үрэҕи туоруур куттала үөскээбитэ этиллэр. Эбии 30 киһилээх биригээдэ, ДТ-75 тыраахтар, мотопомпа түмүлүннэ, мотопомпалаах мотуордаах оҥочонон сылдьан баһаары кэтээн көрүү үлэтэ ыытыллар.

Суукка иһигэр уоту утары охсуһууга уосайа 111 киһи кытынна: 54 киһи баһаары умуруорууга, 30 киһи хаһыыны кэтирэтиигэ, биэс киһи суһал штаб үлэтигэр, 22 волонтер, асчыт уонна дьуһуурунай. 24 тиэхиньикэ, ол иһигэр көһө сылдьар баһаарынай установка, түөрт МТЗ уонна ДТ тыраахтардар, уу кутар «Урал» массыына, мотопомпалар, мотордаах оҥочолор уонна «УАЗ».