Орто Халыма оскуолатын иһинэн «Дьүкээбил» муусука устуудьуйата арыллыаҕа

Доруобуйаларыгар хааччахтаах оҕолорго анаан «Дьүкээбил» муусука устуудьуйата Орто Халыма оскуолатын иһинэн тэриллиэҕэ диэн «Якутия 24» телеханаал Ил Дархан уонна бырабыыталыстыба пресс-сулууспатыгар тирэҕирэн иһитиннэрэр.

Устуудьуйа бырайыага Инники көлүөнэлэр пуондаларын куонкурсугар кыайда. Пуонда генеральнай дириэктэрэ Сергей Местников кыайыылаахтарга 500 тыһ. солк. суумалаах грант туттарда.

«Муусука устуудьуйатын бырайыага арылларыгар үөрэнээччилэр интэриэстэрэ уонна төрөппүттэр баҕалара тирэх буолла», — диэн Орто Халыма оскуолатын муусукаҕа учуутала Виталий Олесов бэлиэтиир.

Оскуола бу иннинэ «Школьный кружок экологического направления «Зеленый город» бырайыагы олоххо киллэрэргэ грант сүүйбүтэ.