Орто үөрэх кыһалара дьиэттэн үөрэтэргэ бэлэмнэр

Колледжтар уонна техникумнар муус устар 6 күнүттэн дистанционнай режиминэн үөрэниэхтэрэ диэн үөрэх министиэристибэтин пресс-сулууспата кэпсиир. Бырабыыталыстыба интернетинэн дистанционнай үөрэтии, эми-тому сакаастааһын босхо буоларын хааччыйыахтаах. Саха сиригэр үөрэх тэрилтэлэрин учууталларыгар семинардар ыытылыннылар, процеһы тэрийии техническэй өрүттэрэ быһаарылыннылар. Дистанционнай үөрэтии тэриллэригэр РФ үөрэҕин уонна регион үөрэҕин уонна наукатын министерствота оҥорбут методическай рекомендациялар таҕыстылар. Үөрэххэ АИС «Сетевой город. Образование», «Цифровой колледж», «Учи.ру», «Инфоурок», «Образовариум», ЭБС IPR Books, ЭБС Znanium.com платформалары туһаныахтара. «Уопсайынан, үгүс устудьуоннарбытыгар уонна учууталларбытыгар электроннай форматынан үөрэх сонун сэдэх түгэннэргэ туһанар эбит буоллаҕына, билигин буолбатах», — диэн Дьокуускайдааҕы педагогическай колледж үөрэтэр-иитэр үлэҕэ дириэктэри солбуйааччы Татьяна Никифорова бэлиэтээтэ. Колледж преподавателлэрэ интернет эбэтэр компьютер суох, социальнай ситимнэр уонна мессенджердэр нөҥүө оройуоннар устудьуоннарын кытта үлэлииллэрин бэлиэтииллэр.

Саха медколледжа устудьуоннары уонна волонтердары кытта күннэтэ сибээстэһэр. Колледж директора Дмитрий Алексеев үөрэх процеһын, уратытын туһунан видеоконференциянан кэпсэтэр. Дьокуускайдааҕы индустриальнай-педагогическай колледжка салалта устудьуоннарга дистанционнай үөрэтии усулуобуйата суох буолар түгэнигэр, тус былаанынан үөрэтиигэ көһөрүөхтэрэ.