Оскуола оҕолоругар грипп утары быһыы алтынньы 1 күнүгэр диэри түмүктэниэҕэ

Оскуола оҕолоругар г»рипп утары маассабай быһыы алтынньы 1 күнүгэр диэри түмүктэнэрэ былааннанар. Бу туһунан өрөспүүбүлүкэ баһылыга Айсен Николаев, атырдьах ыйын 13 күнүнээҕи, эпидемиологическай балаһыанньа туһунан брифинигэр иһитиннэрдэ.

«Дьокуускайга коронавирус утары вакцина кэлэрин кэтэһэбит. Бастакынан быраастар уонна үөрэх тэрилтэлэрин үлэһиттэрэ туһаныахтара», — диэтэ өрөспүүбүлүкэ баһылыга.

Кини этэринэн, сарсын, атырдьах ыйын 14 күнүгэр, пандемиянан сибээстээн хааччахтааһыны уһатыы туһунан быһаарыы ылыныллыаҕа.

«Балаһыанньаттан көрөн сорох хааччахтааһын сымныаҕа, ол эрэн уһатыллыаҕа», — диэн түмүктээтэ Ил Дархан.