Павел Колобков уонна Айсен Николаев Чурапчыга саҥа спортивнай эбийиэктэри тутуу туһунан дьүүллэстилэр

Россия спордун миниистирэ Павел Колобков уонна Ил Дархан Айсен Николаев Чурапчы улууһугар саҥа спортивнай эбийиэктэри тутуу туһунан дьүүллэстилэр.

«Сөбүлэһии түһэрсиитин чэрчитинэн, Чурапчытааҕы физическэй култуура уонна спорт институтун уонна тустуу киинин тутуу туһунан дьүүллэстибит», — диэн Айсен Николаев кэпсээтэ.

Ил Дархан Чурапчытааҕы физическэй култуура уонна спорт института тыа сиригэр үрдүк үөрэх кыһатын тэрийии холобурунан буоларын бэлиэтээтэ. «Саха сирин эрэ буолбакка, дойду атын регионнарын спортивнай кадрдарын такайан таһаарар кыһата буолар», — диэн түмүктээтэ.

Инники этиллибитинэн, дойду спордун министиэристибэтэ уонна Саха өрөспүүбүлүкэтэ бүгүн бииргэ үлэлэһии туһунан сөбүлэһии түһэристилэр.