«Питертэн Миирнэйгэ» автопробег кыттыылаахтара Ленскэйгэ кэллилэр

Бүтүн Россиятааҕы «Питертэн Миирнэйгэ» экологическай автопробег Ленскэйгэ кэллэ. Бу туһунан «Саханефтегазсбыт» пресс-сулууспата иһитиннэрэр.

«Күн-дьыл туругунан, айан түмүгэ алтынньы 2 күнүттэн алтынньы 5 күнүгэр көстө», — диэн СӨ промышленноһын уонна геологиятын пресс-сулууспата иһитиннэрэр.

Айан сыала — айылҕа гааһын массыынаҕа оттук быһыытынан туттууну, гааһынан айанныыр тиэхиньикэ арааһын көрдөрүү.

Автоколоннаҕа Lada Largus уонна Lada Vesta легковой массыыналар, Scania соһор массыына уонна НеФАЗ оптуобус бааллар.

Санатан эттэххэ, автопробег кыттыылаахтар Үс Кут куоракка кэлбиттэрэ.