Покровскай колледжыгар биэс үөрэтэр мастарыскыай аһылынна

РФ бэрэсэдьиэнэ Владимир Путин көҕүлээбит «Үөрэҕирии» национальнай бырайыагын чэрчитинэн, Покровскай колледжыгар биэс үөрэтэр мастарыскыай аһылынна. Бу туһунан Хаҥалас улууһун пресс-сулууспата иһитиннэрэр.

Покровскай колледжа 32,6 мөлүйүөн солкуобай суумалаах РФ Үөрэҕириитин министиэристибэтин гранын ылбыта. Грант көмөтүнэн биэс мастарыскыай «Веб-дизайн уонна оҥоруу», «Компьютернай оонньуулары уонна мультимедийнай сыһыарыылары оҥоруу», «Виртуальнай уонна ситэриллибит чахчы», «Мобильнай сыһыарыылары оҥоруу» уонна «Кибер-куттала суох буолуу» хайысхаларга аһылынна.

Улуус баһылыга Олег Иринеев бэлиэтииринэн, колледж WorldSkills ирдэбиллэринэн хааччыллыыта устудьуоннары эрэ буолбакка, уһуйааччылары эмиэ саҥа кыайыыга кынаттыаҕа.