Полиция үлэһиттэрэ сураҕа суох сүппүт Дьокуускай олохтооҕун буллулар

Полиция үлэһиттэрэ 36 саастаах дьахтары көрдөөн буллулар. Бу туһунан РФ Ис дьыала министиэристибэтин Саха сиринээҕи салаатын пресс-сулууспата иһитиннэрэр.

Кэргэнэ сүппүтүн туһунан, эр киһи полицияҕа сайабылыанньа суруйбут.

«Аҕыйах хонугунан дьахтары булбуттар. Дьиэ кэргэҥҥэ иирсээн тахсыытын түмүгэр дьахтар дьиэтиттэн барбыт», — диэн иһитиннэриигэ этиллэр.