Путин доруобуйа харыстабылыгар үс кыһалҕаны бэлиэтээтэ

НВК САХА – Дойду доруобуйатын харыстабылыгар үс сүрүн кыһалҕа баар: биэссэр пууннара аҕыйааһыннара, тустаах исписэлиис тиийбэтэ уонна эминэн-томунан хааччыйыы. Бу туһунан Владимир Путин быһа линиятын кэмигэр эттэ.

Ол курдук, эбии 390 биэссэр пууна тутуллара уонна 1200 пуун өрөмүөннэнэрэ күүтүллэр.

Эминэн хааччыйыы икки суолунан барар – федеральнай уонна регионнааҕы бүддьүөттэн. Ол гынан баран сорох регионнарга аукционнар кэмигэр ыытыллыбаттар. Ол иһин ыскылаакка эмп баар да буоллаҕына, наадыйааччыга тиийбэт.

Бэрэсидьиэн бу балаһыанньаны көннөрөр наадатын тоһоҕолоон эттэ. Ону таһынан, дойдуга быраас хамнаһа уопсайынан 5% үрдээбитин бэлиэтээтэ.

Быһа линияны «Яндекс.Эфир» уонна Peers.TV. көрүөххүтүн сөп.