Путин Россия экономикатын туругун орто диэн сыаналаата

Дойду бэрэсидьиэнэ Владимир Путин Россия экономикатын орто диэн бэлиэтээтэ. Бу туһунан Кириэмилгэ үгэс буолбут саҥа дьыл иннинээҕи Россия дьыалабыай эргимтэ бэрэстэбиитэллэрин кытта көрсүһүүтүгэр биллэрдэ.

«Уопсайынан экономикабыт туруга орто, бигэ туруктаах макроэкономическэй ситуация оннунан хаалар, онтон инфляция уонна үлэтэ суох буолуу намыһах таһымнаах», — диэн эттэ.

Дойду бэрэсидьиэнэ макроэкономическэй көрдөрүү улаатар динамиката уларыйбатын бэлиэтээтэ, ол да буоллар динамика тэтимин кытта үлэлээһиини эрэйдэ.

«Ити туһугар тугу гынары биһиги өйдүүбүт, тэтимин улаатыннарга кыһаныы, наадалаах усулуобуйалары тэрийэр былааны олоххо киллэрэ сатыыбыт», — диэн бэлиэтээтэ Путин.

Ол курдук бэрэсидьиэн «регулятрорнай гильотина» былааны олоххо киллэриигэ көхтөөх үлэ бара турарын эбэн эттэ. «Сыл бүтэһигэр бу боппуруостары быһаарыахпыт диэн эрэнэбин», — диэтэ Путин.

Владимир Путин инвестиция кэриҥин кэлэр сылга 25% диэри, онтон 27% тириэрдэр сыал туруоруллубутун санатан эттэ.