Үрүҥ эһэттэн эмсэҕэлээбит киһи Булуҥҥа эмтэниэҕэ

Үрүҥ эһэттэн эмсэҕэлээбит эр киһини Булуҥ улууһун Тикси бөһүөлэгэр салгыы эмтиэхтэрэ. Бу туһунан СӨ доруобуйа харыстабылын министиэристибэтин пресс-сулууспата иһитиннэрэр.

«Эр киһи туруга этэҥҥэ. Ыарыһах бэйэтин бэйэтэ көрүнэр. Үтүөрүөр диэри Булуҥ киин балыыһатыгар эмтэниэҕэ. Дьокуускайга тириэрдии ирдэммэт», — диэн балыыһа кылаабынай бырааһа Алла Андреева эттэ.

Үрүҥ эһэ Усуйаана улууһугар баар Ляхов арыыларыгар киһиэхэ саба түспүт. Быһылаан туһунан иһитиннэрии диспетчерскэй сулууспаҕа алтынньы 4 күнүгэр киирбит.