Өрөспүүбүлүкэҕэ табаны иитиигэ 2021 сылга диэри 1,1 миллиард солкуобай көрүллүө

НВК САХА – Саха сирин былаастара 2021 сылга диэри 1,1 миллиард солкуобайы табаны иитиини сайыннарыыга ыытары былаанныыллар. Бу туһунан СӨ тыа хаһаайыстыбатын министиэристибэтэ ТАСС-ка иһитиннэрдэ.

2018 сылга хотугу дьиэ табатын ахсаана 156 тыһыынчаттан 146,4 тыһыынчаҕа диэри кыччаабыт. Ону чөлүгэр түһэрэр, туруктаах оҥорор, салааҕа оҥорон таһаарыыны сайыннарар сорук күүскэ турар. Көрүллэр үп сороҕо таба иитэр хаһаайыстыбалар материальнай-тэхиньиичэскэй базаларын бөҕөргөтүүгэ, бородууксуйаны оҥорон таһаарыыны сайыннарыыга барыа.

Оттон Саха сирэ хотугу дьиэ табатын ахсаанынан Россияҕа үһүс миэстэҕэ турар. Манна Уһук Илин табатын 40%, Россия табатын 10% баар.