Үөрэҕирии министиэристибэтэ «Кыайыы туһунан хоһооннор» флешмобу саҕалаата

СӨ үөрэҕириигэ уонна наукаҕа министиэристибэтэ «Кыайыы туһунан хоһооннор» флешмобу саҕалаата. Бу туһунан министиэристибэ пресс-сулууспата иһитиннэрэр.

Флешмобка кыттарга сахалыы эбэтэр нууччалыы кыайыы туһунан хоһоону ааҕаргытын видеоҕа устан, бэйэҕит Instagram аккаунҥутугар кытааччы аатын-суолун, үөрэнэр сирин ыйан, министиэристибэ @minobrnauki_ykt аккаунун бэлиэтээн уонна #СтихиоПобеде хэштеги тутуоран таһаараргыт ирдэнэр.

Флешмобка биирдиилээн эбэтэр кэллэктиибинэн кыттыыны ылыахха сөп.