Үөрэҕирии салаатын сайыннарыыга 6 млрд.солк. көрүллүөҕэ

2021 сылга Саха сирин үөрэҕириитин салаатын сайыннарыыга федеральнай бүддьүөттэн алта миллиардтан тахса солкуобай көрүллүөҕэ. Бу туһунан СӨ үөрэххэ уонна наукаҕа министиэристибэтин пресс-сулууспата иһитиннэрэр.

Онон өрөспүүбүлүкэ үөрэҕириитин үбүлээһин 2020 сылы кытта тэҥнээтэххэ биэс төгүл улаатыаҕа.

«Алын кылаас оҕолорун итии аһылыгынан хааччыйыы уонна кылаас салайааччыларыгар эбии төлөбүрү оҥоруу курдук үөрэҕирии салаатын национальнай бырайыактара эһиилги сылга үлэлэрин салгыахтара», — диэн өрөспүүбүлүкэ бэрэссэдээтэлин солбуйааччытын э.т. Сергей Местников эттэ.

Кэлэр сылларга Саха сирин оскуолаларыгар иккис уонна үһүс симиэнэн үөрэнии суох оҥорууга үлэ ыытыллар.

Улахан үөрэх тэрилтэлэрин тэҥэ, кыра сэлиэнньэлэргэ уонна куораттарга саҥа оскуолалары тутуу күүскэ ирдэнэрин Сергей Местников бэлиэтээтэ. Манна эмиэ судаарыстыбаннай уонна чааһынай холбоһук көдьүүстээхтик бииргэ үлэлээһинин кыаҕын көрүү былааннанар.