Регина Петрова биатлоҥҥа бүтүн Россиятааҕы күрэххэ үрүҥ көмүс мэтээли ылла

Саха сириттэн сылдьар Регина Петрова Екатеринбург куоракка ыытыллыбыт биатлоҥҥа бүтүн Россиятааҕы күрэххэ үрүҥ көмүс мэтээли ылла. Бу туһунан «Спорт Якутии» иһитиннэрэр.

Чульман бөһүөлэгиттэн сылдьар спортсмен биир стартовай күн устата күрэхтэһии икки дисциплинатыгар кыттыыны ылла.

«7,5 килэмиэтир уһуҥҥа түөрт кирбиигэ ытыалааһыннаах биирдиилээн сүүрүүгэ Өрөспүүбүлүкэтээҕи олимпийскай эрэллэр спортивнай оскуолаларын иитиллээччитэ Регина Петрова кыргыттарга үрүҥ көмүс мэтээли ылла», — диэн этиллэр.

Кини бириэмэтэ 32.07.6 тэҥнэспит. 4,5 килэмиэтирдээх спринҥа үс штрафной очукуолаах уонна 16.27.7 көрдөрүүлээх бэһис миэстэни ылбыт.