Үөрэх бэрээдэгэ уларыйбат

Саха сирин үөрэҕин кыһаларыгар үөрэх бэрээдэгэ билиҥҥититтэн уларыйбат. Бу туһунан үөрэх министиэристибэтин пресс-сулууспата иһитиннэрэр. «Коронавирус тарҕамматын туһугар үөрэх тэрилтэлэригэр күн аайы дезинфекция уонна термометрия ыытыллар. Билигин оҕолорго эпидемиологическай боруок аһардылла илик», — диэн иһитиннэриигэ этиллэр. Харантыыҥҥа эбэтэр дистанционнай үөрэххэ барыыны ыарыы ахсаана эпидемиологическай боруогу аһардаҕына быһаарыллыаҕа. Ол эбэтэр биир бөлөх эбэтэр кылаас оҕотун 10%-на ыарыйдаҕына, кылаас салайааччыта эбэтэр дириэктэр үөрэх форматын уларытыан сөп.