РФ бырабыыталыстыбата оҕолоох дьиэ кэргэн төлөбүрүгэр 10 миллиард кэриҥэ солк. көрүөҕэ

Федеральнай миниистирдэр кэбиниэттэрэ оҕолоох дьиэ кэргэн төлөбүрүгэр 10 миллиард кэриҥэ солкуобайы көрүөҕэ. Бу туһунан алтынньы 8 күнүгэр РФ премьер-миниистирэ Михаил Мишустин бырабыыталыстыба сүбэ мунньаҕар иһитиннэрдэ.

«Бырабыыталыстыба үһүс, эбэтэр аныгыс төрөөбүт оҕолор ыйдааҕы төлөбүрдэригэр эбии биир миллиард солкуобайтан элбэх сууманы регионнарга ыытыаҕа», — диэтэ кини.

Үстэриттэн сэттэлэригэр диэри саастаах оҕолордоох дьиэ кэргэн төлөбүрүгэр тоҕус миллиард солкуобай кэриҥэ суума көрүллэрин туһунан премьер-миниистир эбэн эттэ.