РФ спордун миниистирэ Олег Матыцин: «Азия оҕолоро» оонньуулар 2022 сылга

«Азия оҕолоро» оонньуулар бэрэсэдьиэнэ Владимир Максимов уонна РФ спордун миниистирэ Олег Матыцин 2022 сылга тэрээһин буолар сирин туһунан кэпсэттилэр. Бу туһунан оонньуулар норуоттар икки ардыларынааҕы кэмитиэттэрэ иһитиннэрэр.

VII Аан дойдутааҕы «Азия оҕолоро» оонньуулар РФ регионугар ыытыллаллара былааннанар. Көрсүһүү кэмигэр Владимир Матыцин «Азия оҕолоро» оонньуулар үлэлэрин уонна былааннаммыт бырайыактарын туһунан кэпсээтэ. «Азия оҕолоро» оонньуулар Азия континенын эдэр спортсменнара үүнэн-сайдан тахсалларыгар көмөлөһөр.

Маны таһынан, көрсүһүүгэ спорт эйгэтигэр III Аан дойдутааҕы эдэр спортсменнар саммиттарын тэрийиигэ бииргэ үлэлэһии туһунан дуогабардастылар. Тэрээһин сыала — норуоттар икки ардыларыгар спорт эйгэтигэр бииргэ үлэлэһии. Эрдэ ыытыллыбыт икки саммит 20-тэн тахса дойду делегаттарын түмпүтэ. Бастакы саммит 2017 сыллаахха, алтынньыга, Аан дойдутааҕы ыччаттар уонна устудьуоннар бэстибээллэрин чэрчитинэн, иккис төгүлүн 2018 сыл балаҕан ыйыгар Соҕуруу-Сахалинскай куоракка, «Азия оҕолоро» I кыһыҥҥы оонньуулар буолуохтарын иннинэ ыытыллыбыта.

Санатан эттэххэ, О.В. Матыцин Норуоттар икки ардыларынааҕы устудьуоннар спортарын федерациятын бэрэсэдьиэнин быһыытынан, 2019 сыл олунньутугар, Соҕуруулуу-Сахалинскай куоратыгар «Азия оҕолоро» I кыһыҥҥы оонньууларыгар ыалдьыттаабыта.