РФ спордун миниистирэ Саха сирин спортивнай эбийиэктэригэр сылдьыаҕа

Бүгүн, ахсынньы 5 күнүгэр, РФ спордун миниистирэ Павел Колобков Дьокуускайга кэллэ диэн «Якутия 24» телеханаал иһитиннэрэр.

Павел Колобков «Модун» спорт киинин, «Дохсун» футбол манеһын, «Өрөгөй» спорка бэлэмнэнии киинин үлэтин кытта билсиэҕэ.

Маны таһынан, дойду спорка миниистирэ Чурапчытааҕы физическэй култуура уонна спорт институтугар, өрөспүүбүлүкэтээҕи спортивнай оскуолаҕа сылдьыаҕа.

Арассыыйа уонна Саха сирин министиэристибэлэрэ физическэй култуура уонна спорт эйгэтигэр бииргэ үлэлиир туһунан сөбүлэһии түһэрсиэхтэрэ.