Росгвардия үлэһиттэрэ түүн баан дьиэтигэр киирбит киһини туттулар

НВК САХА — Балаҕан ыйын 7 күнүгэр Өлүөхүмэ оройуонугар Росгвардия үлэһиттэрэ түүн баан дьиэтин алдьатан киирбит эр киһини туттулар. Бу туһунан Росгвардия регионнааҕы салаатын пресс-сулууспата иһитиннэрдэ.

Баан дьиэтигэр киирии туһунан иһитиннэрии балаҕан ыйын 7 күнүгэр олохтоох бириэмэнэн сарсыарда 5:12 чааска охрана пультугар киирбит. Үс мүнүүтэнэн Росгвардия үлэһиттэрэ быһылаан тахсыбыт сиригэр тиийбиттэр.

Хонтуора иһигэр итирик туруктаах эр киһини булбуттар.

Силиэстийэлиир суһал бөлөх 23 саастаах Өлүөхүмэ оройуонун Хоро сэлиэнньэтин олохтооҕун тутан, дьуһуурунай чааска салгыы силиэстийэ ыытарга тиксэрбит.

«Эдэр киһи итирик туруктаах сылдьан туох санааттан сокуону кэһии онорбутун быһаарбата», – диэн тириэрдэллэр.

2019 сылга эр киһи хаайыыттан босхоломмут. Үлэтэ суох.