Россияҕа чэпчэки бырамыысыланнас өйөбүлүгэр миллиард солкуобай ыытыллыаҕа

Россияҕа чэпчэки бырамыысыланнас тэрилтэлэрин кирэдьииттэрин бырыһыанын сабар ороскуоттарын сороҕо компенсацияланыаҕа.

Субсидиялар тустарынан туһааннаах дьаһал балаҕан ыйын 16 күнүгэр, миниистирдэр кэбиниэттэрин сайтыгар таҕыста.

«Быһаарыы 2019-тан 2022 сылга диэри, эргийэр үбү толорорго анаан ылыллыбыт иэс бырыһыанын төлөбүрүн 70 %-нын сабарга туһуланар. Сыл түмүктэниэр диэри бу өйөбүл миэрэтигэр биир миллиард солкуобай ыытыллыаҕа», — диэн докумуоҥҥа этиллэр.

Кирэдьиити үс сылга диэри болдьохтоох ылбыт буоллаххына, компенсация ылыахха сөп. Хампаанньалары өйүүр субсидия ый аайы түһүөҕэ.

Дьаһал тэрилтэ сүрүн салааларын үптэрин балаһыанньатын чөлүгэр түһэрэргэ, араас ырыынактарга бородууксуйа көрүҥүн элбэтэргэ уонна хаачыстыбатын үрдэтэргэ көмөлөһүөҕэ.