Россияҕа коронавирус утары бастакы вакцина регистрацияланна

Дойду бэрэсидьиэнэ Владимир Путин Россияҕа аан дойду үрдүнэн бастакы коронавирус инфекциятын утары вакцина регистрацияламмытын туһунан бырабыыталыстыба чилиэттэрин кытта мунньах кэмигэр иһитиннэрдэ. Бу туһунан ТАСС тириэрдэр.

«Мин билэрбинэн, бүгүн сарсыарда аан дойду үрдүнэн бастакы коронавирус инфекциятын утары вакцина регистрацияланна», – диэн дойду баһылыга эттэ.

Россия доруобуйа харыстабылыгар миниистирэ Михаил Мурашко министиэристибэ Н.Ф. Гамалей аатынан эпидемиологияҕа уонна микробиологияҕа национальнай чинчийэр киинэ оҥорон таһаарбыт вакцината клиническэй бэрэбиэркэтэ түмүктэммитин туһунан инники иһитиннэрбитэ.

«Мин бу вакцина көдьүүстээҕин билэбин, иммунитет бигэ туруктаах буолар, хатылыыбын, ирдэнэр бэрэбиэркэни барытын ааста», – диэн Владимир Путин эбэн эттэ.

Коронавирус вакцианатын маассабай таһаарыыта сотору кэминэн саҕаланара күүтүллэр.