Россияҕа патриотическай иитии бырайыага тохсунньу 1 күнүттэн саҕаланыаҕа

РФ бэрэсэдьиэнэ Владимир Путин көҕүлээбит «Үөрэҕирии» национальнай бырайыагын чэрчитинэн, 2021 сыл тохсунньу 1 күнүттэн оскуола оҕолоругар патриотическай иитии саҥа федеральнай бырайыага олоххо киириэҕэ. Бу туһунан ТАСС иһитиннэрэр.

«2021 сыл тохсунньу 1 күнүттэн саҥа федеральнай бырайыак олоххо киириэҕэ, бэлэмнэнии ыытыллар», — диэн үөрэҕирии миниистирин солбуйааччы Денис Грибов ааҕыныстыбаҕа иһитиннэрдэ.

Кини бэлиэтииринэн, үөрэххэ уонна үөрэнэргэ туһаныллар литератураҕа, уруоктар ис хоһоонноругар, уруогу таһынан үлэҕэ, эбии үөрэхтээһин систиэмэтигэр иитии компоненнара киирэн биэриэхтэрэ.

Ол эрэн, иитиигэ туспа уруок былааннаммат, сыана турбат. Уруоктары таһынан, онлайн-эйгэ нөҥүө үөрэтии эмиэ барыаҕа.

Бэлиэтээн эттэххэ, 2021 сылга, 2024 сылга диэри учуоттаммыт федеральнай бырайыактар тэрээһиннэригэр 3,4 миллиард солкуобай көрүллүөҕэ, үбүлээһин уопсай суумата 14 миллиард кэриҥэ солкуобайга тэҥнэһиэҕэ.