Россияҕа учууталлар хамнастарын ааҕыы тутула уларыйыаҕа

Россия Үлэ кодексыгар учууталлар хамнастарын ааҕыы тутулун уларытыы туһунан көннөрүүнү дойду просвещениеҕа министиэристибэтэ бэлэмниир. Бу туһунан РИА новости иһитиннэрэр.

Хамнас пуондатын 70 %-на булгуччулаах акылаакка, онтон хаалбыт 30 %-на араас эбии төлөбүргэ ыытыллара былааннанарын туһунан РФ просвещениеҕа миниистирэ Ольга Васильева иһитиннэрэрэр. Билиҥҥи туругунан маннык пропорция куруутун туттуллубат, хас биирдии регион акылаат уонна премия кээмэйин араарыыны бэйэлэтэ быһаарар.

Маны тэҥэ сотору кэминэн дойду Үлэ кодексыгар киирэр көннөрүүнэн, үлэ төлөбүрүн олохтооһуҥҥа биир кэлим киэп олохтонуоҕа. Сүрүн мэктиэ федеральнай таһымҥа бэриллэр буолуоҕа.

Оскуола саҥа халыыба учууталлар ноҕуруускаларын үс төгүл намтатыаҕа. Ольга Васильева тириэрдэринэн учуутал түөрт докумуону толоруохтаах: үөрэх предметын бырагыраамата, календарнай-тематическай былаан, электроннай суруунаал уонна электроннай дневник.

Инникик РФ просвещениеҕа министиэристибэтэ РФ үлэ министиэристибэтигэр учууталлар хамнастарын хайдах үрдэтиэххэ сөбүн туһунан этиилэри киллэрбитэ.