Россия биатлоҥҥа хамаандата Алдаҥҥа сборданыа

Россия биатлоҥҥа эр дьоҥҥо сүрүн уонна саппаас хамаандата Алдаҥҥа сборданыахтара. Бу туһунан СӨ спортка министиэристибэтэ иһитиннэрэр.

Дьарык алтынньы 12 күнүттэн саҕаланыаҕа.

Россия биатлоҥҥа сүрүн тренерэ Валерий Польховскай Алдан бастатан туран дьиҥнээх хаар баарынан, дьарыктанарга табыгастаах усулуобуйалааҕын бэлиэтиир.

Сезон саҕаланыар диэри дойду биатлоҥҥа сбордара бары Россияҕа, ол иһигэр Тюменьҥа, Ханты Мансийскайга уонна Сочига ыытыллаллара этиллэр.