Россия бырабыыталыстыбатын 2021 сыллааҕы үлэтин былаана бигэргэннэ

Россия бырабыыталыстыбатын 2021 сыллааҕы үлэтин бигэргэммит былаанынан Госдума көрүүтүгэр 153 сокуон барыла оҥоһуллан бигэргэтиигэ киллэриллэрэ күүтүллэр.

Россия бырабыыталыстыбатын бэрэссдээтэлэ Михаил Мишустин бырабыыталыстыба 2021 сыллааҕы үлэтин былаанын бигэргэппит.

Докумуон алта блоктан турар: бастакыта экономическай үүнүү усулуобуйатын тэрийэргэ туһуланар, иккиһэ цифровизацияҕа уонна научнай-техническай сайдыыга, үһүскэ — экономика туспа салааларын салгыы сайыннарыыга туһуламмыт сокуоннары оҥорууга туһуланар.

Төрдүс социальнай эйгэ институттарын сайыннарыыга уонна олох хаачыстыбатын таһымын үрдэтиигэ. Бэһис — регионнар биир кэлим сайдар усулуобуйаларын тэрийиигэ. Бүтэһик уонна саамай улахан блок судаарыстыбаннай салайыы хаачыстыбатын үрдэтиигэ туһуланар.

Федеральнай министиэристибэлэр уонна биэдэмистибэлэр салайааччыларыгар былааны толорууга сөптөөх дьаһаллары ыларга сорудахтанна.