Россия чемпионатыгар уон саха боксера бэлэмнэнэр

Оренбург куоракка ыытыллыахтаах Россия чемпионатыгар уон саха боксера бэлэмнэнэр. Бу туһунан «Спорт Якутии» иһитиннэрэр.

Боксердар Саха сирин, Москва, Ленинградскай уобалас уонна Краснодарскай кыраай сүүмэрдэммит хамаандатын иһинэн кыттыахтара.

«Саха сирин сүүмэрдэммит хамаандатыттан Талбан Егоров, Николай Григорьев, Михаил Варламов, Айаал Степанов уонна Василий Стручков кыттыахтара. Москва куорат аатыттан Борис Сидоров уонна Назар Андреев путевкалаахтар», — диэтэ сүүмэрдэммит хамаанданы бэлэмниир өрөспүүбүлүкэтээҕи киин тренерэ Владимир Павлов.

Кини этэринэн, спорт үтүөлээх маастара Василий Егоров Саха сирин уонна Московскай уобалас аатыттан киирсиэҕэ. Евгений Мартынов уонна Михаил Прокопьев Санкт-Петербург уонна Краснодарскай кыраай аатыттан.

Сэтинньи 12 күнүгэр өрөспүүбүлүкэ сүүмэрдэммит хамаандата мустуу түмүктүүр түһүмэҕэр көтүөхтээҕэ бэлиэтэнэр. Боксердар Василий Егоров уонна Михаил Прокопьев атыттартан эрдэ тиийиэхтэрэ.