Россия исписэлиистэрэ тас дойдуларга бараллара аччаата

Россия исписэлиистэрэ тас дойдуларга бараллара аччаата диэн дойду бэрэсидьиэнэ Владимир Путин бэлиэтээтэ. Бу туһунан ТАСС иһитиннэрэр.

«Үрдүкү квалификациялаах үлэһит дьон бэйэлэрин билиилэригэр уонна сатабылларыгар сөптөөх үлэ миэстэтин көрдөөн, элбэх хамнаһы сырсан атын дойдуларга бараллар. Судаарыстыба туһалаах исписэлиистэргэ анаан сөптөөх усулуобуйалары тэрийэргэ үлэлиэхтээх», — диэтэ Владимир Путин.

Бу үлэ хайысхаларыгар үрдүк хамнас көрүллэрин туһунан эттэ.

«Бу туһунан толкуйдуохха наада. Билигин биһиги гыраанынан өйөөһүн улахан систиэмэтин оҥорон таһаардыбыт. Бу IT тахнологияларын эрэ буолбакка атын үрдүк технологичнай эйгэлэри эмиэ таарыйар», — диэн бэрэсидьиэн бэлиэтээтэ.

«Элбэх дьон чахчы дойдуларыгар төннөн кэлиэхтэрин баҕараллар. Билигин биһиги кинилэргэ анаан лабораториялары, үлэлииллэригэр тустаах эйгэни, хамнас төлүбүрүн усулуобуайаларын оҥоробут», — диэтэ бэрэсидьиэн.

Бу генетика, биология, «сыыппара», искусственнай интеллект, робототиэхиникэ эйгэлэрэ буоларын бэлиэтээтэ.