«Россия Лидердара» куонкурус региональнай түһүмэҕэр 42 саха сирин бэрэстэбиитэлэ киирдэ

«Россия Лидердара» куонкурус маҥнайгы полуфиналыгар 42 өрөспүүбүлүкэ бэрэстэбиитэлэ киирдэ. Түһүмэх кыайыылаахтарын тохсунньу 15-16 күннэригэр Владивосток куоракка быһаарыахтара. Бу туһунан «Интерфакс-ДВ» иһитиннэрэр.

«Уһук Илиҥҥи федеральнай уокуруктан куонкуруска кыттыыга уопсайа 9 644 сайаапка киирбит. Дистанционнай тургутуу түмүгүнэн полуфиналга 330 бастыҥ көрдөрүүлээх кыттааччы ааспыт: Хабаровсай кыраайтан — 71 киһи, Приморскай кыраайтан — 76, Амурскай уобаластан — 30, Бурятия өрөспүүбүлүкэтиттэн — 39, Еврейскай автономнай уокуруктан — 2, Саха сириттэн — 42, Камчатскай кыраайтай — 14, Сахалинскай уобаластан — 24, Магаданскай уобаластан — 9, Забайкальскай кыраайтан — 23 киһи», — диэн АНО «Россия — кыах дойдута» түмсүү пресс-сулууспата тириэрдэр.

Куонкурус 11 полуфиналтан турар, онтон аҕыһа региональнай, үһэ идэлэринэн.

«Полуфиналга киирбит 3 399 киһиттэн, суперфиналга 300 кытааччы сүүмэрдээһини ааһыаҕа. Олор бары биир мөлүйүөн солкуобай суумалаах үөрэх граныгар тиксиэхтэрэ. Кыайыылааҕынан 100 кыттааччы талыллыаҕа, кинилэргэ дойду сүрүн салайааччылара сүбэһиттиэхтэрэ», — диэн этиллэр.

Инники дойду бэрэсидьиэнэ Владимир Путин «Россия Лидердара» диэн салайааччылар куонкурустарын үһүс төгүлүн ыытыыны өйөөбүтэ. Быйылгы, 2020 сыллаах куонкуруска кытыыга Россия бары регионнарыттан уонна 68 тас дойдуттан уопсайа 233,8 тыһыынчаттан тахса сайаапка киирдэ.

«Россия Лидердара» инники икки сыллааҕы түмүгүнэн 150-тах кытааччыта үрдүк салайар дуоһунастарга анаммыта бэлиэтэнэр. Икки киһи губернатор, биэс киһи федеральнай миниистирдэр солбуйааччыларынан буолбуттара.