«Россия — мин историям» пааркаҕа «Кыайыы 75» быыстапка аһыллыаҕа

Улуу Кыайыы үбүлүөйүнэн «Кыайыы 75» быыстапка алтынньы 1 күнүттэн «Россия — мин историям» пааркаҕа аһыллыаҕа. Бу туһунан СӨ Култуура министиэристибэтин пресс-сулууспата иһитиннэрэр.

«Быыстапкаҕа ураты мультимедийнай контент уонна ол сыллааҕы уонтан тахса историческай артефактар турдулар. Снайпер Иван Кульбертинов бэйэтин маллара, фронтан суруктар, телеграммалар, ол иһигэр Або Торговкин бэчээккэ тахсыбатах тапталлааҕар суруга», — диэн иһитиннэриигэ этиллэр.

Маны таһынан, цифровой технологиялар көмөлөрүнэн дойдуну уонна куораттары фашистартан босхолооһуҥҥа Саха сирин кылаатын туһунан кэпсиэхтэрэ.