Россия олохтоохторо социальнай гарантия Төрүт сокуоҥҥа киирэрин өйүүллэр

Дойду олохтоохторун үгүс өттө Төрүт сокуоҥҥа гражданнарга көрүллэр социальнай гарантия киирэрин өйүүр. Бу туһунан уопсастыба санаатын чинчийэр Бүтүн арассыыйатааҕы киин дириэктэрэ Валерий Федоров этэр. «Төрүт сокуоҥҥа сыһыаннаах бары этиилэр өйөбүлү ыллылар», — диэтэ Валерий Федоров.

Ону таһынан, Россия олохтооҕун 80%-на уларытыыларга куоластыахха наадатын этэр, оттон 66%-на куоластааһыҥҥа кыттар былананаахтар.

Санатан эттэххэ, бэрэсидьиэн Владимир Путин Төрүт сокуоҥҥа уларытыы киллэрэр туһунан тохсунньутааҕы туһаайыытыгар эппитэ.