Россия сылгыһыттара Саха сирин вакцинатын туһаналлар

Новосибирскай уобалас, Алтай, Россия уонна да атын регионнарын сылгыһыттара «ХотуБакт» Дьокуускайдааҕы научнай киин оҥорон таһаарбыт вакцинатын туһаналлар. Бу туһунан СӨ баһылыгын уонна бырабыыталыстыбатын дьаһалтатын пресс-сулуспата иһитиннэрэр.

2020 сылга «ХотуБакт» киин үс мөлүйүөн солкуобайга бэтэринээрнэй вакциналары туһаҕа таһаарбыт.

«Биһиги сылгы кэһии уонна хабарҕаһыт курдук ыарыыларын утары вакцинаны оҥорбуппут. Хабарҕаһыт — эдэр сылгы төбөтүн эҥэригэр тахсар искэҥ, оттон кэһии — уулаах биэ болдьоҕун иннинэ үөскэҕин куоттарар сальмонеллез диэн вирус. Россия үрдүнэн манна холоонноох вакцина суох. Хабарҕаһыт утары бастакы эмп 1998 сыллаахха айыллыбыт, кэһии утары эмп – 2000 сыллаахха», – диэн киин дириэктэрэ Михаил Неустроев кэпсээтэ.

Саха сиригэ биэ 42 %-на төрүөх биэрбэт эбит, бу сүрүн төрүөтүнэн сүөһү сыстыганнаах кэһии ыарыыта буоларын учуонай бэлиэтиир. Россияттан таһынан Саха сиригэр оҥоһуллубут вакцина Казахстаҥҥа киэҥник туһаныллара этиллэр.