«Сүлүһүүннээх таптал. Эргиллии» сериал сэтинньи саҥатыттан саҕаланыа

НВК САХА — «НВК САХА» ханаалга быйылгы сезоҥҥа үс саҥа сериал тахсар. Олортон бастакынан «Сүлүһүннээх таптал. Эргиллии» сериалы сэтинньи 4 күнүттэн көрүҥ.

«Сүлүһүннээх таптал» бастакы чааһа хайдах этэй? Суруналыыс уонна суруйааччы Сардаана Сивцева – Даана Сард сценарийынан уһуллубут «Сүлүһүннээх таптал» («Тайна одного лета») сериал мистическэй хабааннаах.

Ааспыт үйэ 70-с-80-с сылларыгар Саха сирин ыраах сытар нэһилиэгин олоҕо көстөр. Сайылыкка тахсыбыт дьон киһи сатаан быһаарбат түбэлтэтигэр түбэһэллэр. Киинэни Чурапчы улууһун Бахсытыгар устубуттар. Сериал үгүс киһи болҕомтотун тардыбыта. 2019 с. сэтинньигэ салгыыта тахсара күүтүллэр.

Сүрүн оруолларга – Саха тыйаатырын артыыстара Надежда Ушницкая, Дмитрий Михайлов, Елизавета Потапова; Ньурба драматическай тыйаатырын артыыската Майя Слепцова; Уус Алдан улууһун эбии үөрэхтээһиҥҥэ учуутала Афанасий Карамзин; Бахсы нэһилиэгин орто оскуолатын үөрэнээччилэрэ Артем Аммосов, Байдам Местников.

Режиссер – Елена Эверстова, туруорааччы-оператор – Александр Слепцов, оператор – Гаврил Дьячков, звукооператор – Семен Пестерев, звукорежиссер – Данил Еремеев, толорооччу продюсер – Марина Пермякова, генеральнай продюсер – Олег Марков.