Сүлүһүннээх тэллэйи киһи сиир тэллэйиттэн хайдах араарыахха сөбүй?

НВК САХА – Билигин тэллэйдиир кэм үгэнэ. Дьокуускай олохтоохторо айылҕа аһын Владимировка бөһүөлэгин үрдүнээҕи тыаҕа, Маҕанныыр уонна Сэргэлээх айан суолун кытыытынан, птицефабрика оройуонун диэки ойууртан хомуйаллар.

Саха сиригэр 90-ча сиэнэр тэллэй баар. Ону таһынан сүлүһүннээх уонча араас көрүҥ үүнэр. Маныаха, ардыгар уопуттах тэллэйдьиттэр кытары алҕаһаан, сүһүрүөхтэрин сөп. Онон мунаарар буоллахха, билбэт тэллэйгин хомуйбат ордук.

«Сүлүһүннээх тэллэй туох уратылааҕый диир эбит буоллахха, дьон болҕомтото суох буоллаҕына өтөх тэллэйин (шампиньоны) кытары бутуйуон сөп. Өтөх тэллэйэ бэргэһэтин анна оруосабай эбэтэр бороҥ өҥнөөх буолар, онтон сүлүһүннээх тэллэй пластинката хаһан даҕаны уларыйбат, куруук маҥан буолар. Онон сүрүн уратыта диэн: пластинаката маҥан, атаҕар моойторуктаах уонна бочуохтаах. Оруобуна мухомор курдук», – диэн биология наукатын доктора Гавриил Угаров кэпсиир.