Саҕалааччы фермердэри дистанционнай үөрэтиигэ ыҥыраллар

«Агроурбаан уонна менеджмент Россиятааҕы инженернай академията» сэтинньи 25 күнүттэн саҕалааччы фермердэргэ дистанционнай үөрэтии ыытар. Бу туһунан СӨ Тыа хаһаайыстыбатын министиэристибэтин пресс-сулууспата иһитиннэрэр.

«Үөрэтии кэмигэр истээччилэр саҕалааччы фемердэргэ аналлаах өйөбүл уонна грант региональнай бырагыраамаларыгар кыттарга билии ылыахтара», — диэн иһитиннэриигэ этиллэр.

Үөрэххэ РФ Тыатын хаһаайыстыбатын департаменнарын тустаах исписэлиистэрэ, АККОР, НЧИ уонна үрдүк үөрэх кыһаларын учуонайдара кыттыахтара. Фермердэри урбаан-былааннааһыныгар, салааны талыыга уонна бородууксуйа оҥоһуутун, үүнээйини үүннэриини тэрийиигэ, маны таһынан, учуоту, отчуоту оҥорууга уонна хаһаайыстыба кыра көрүҥэр нолуоктааһыҥҥа, тыа сирин туризмын тэрийиигэ үөрэтиэхтэрэ.

«Куурустары тэрийиигэ, методическай хааччыйыыга төлөбүрүн сабар1800-түү солкуобайы истээччилэр электроннай көрүҥүнэн Академияттан дөкүмүөннэр былааҥкаларын ылан баран онлайн төлүөхтэрэ», — диэн пресс-сулууспаҕа быһааран эттилэр.

Үөрэниэн баҕалаахтар 2020 сыл сэтинньи 23 күнүгэр диэри академияҕа 89035599826, 89652231665 нүөмэрдэргэ бигэргэтии ыытыахтаахтар.